Xocalı rayon İcra Hakimiyyətinin başçısı Şahmar Usubov 2023-cü ildə vətəndaşlarla keçirəcəyi səyyar qəbul-görüşlərin qrafikinə əsasən, fevralın 9-da Ucar rayonunda məcburi köçkünlər üçün salınmış 250 ailəlik qəsəbədə müvəqqəti məskunlaşan əsasən Xocalı rayonunun Kosalar kəndindən olan sakinlərlə görüşüb. Görüşdə Şahmar Usubovla birgə, Xocalı rayon Polis Şöbəsinin rəisi Zaur Nəbiyev, rayon icra hakimiyyəti başçısı aparatının ərazi idarəetmə və yerli özünüidarəetmə orqanları ilə iş şöbəsinin müdiri Səxavət Hüseynov, rayon icra hakimiyyəti başçısının Kosalar kənd İƏD-si üzrə nümayəndəsi Şahid Rzayev və sakinlər iştirak ediblər. Qəbulda işlə təminatla bərabər, qardaş Türkiyədə baş vermiş zəlzələdə zərər çəkmiş insanlara yardım göstərilməsinə köməklik edilməsi və sahibkar kimi "Kapital Bank"ın Ucar rayon filialından götürdüyü kreditin faizinin aşağı salınmasına köməklik edilməsi məsələləri olmuşdur.